Wednesday, May 18, 2022  | 1443  شوّال  16

بھاگ ناڑی میں انسانوں اور جانوروں کے پینے کا ایک ہی تالاب

SAMAA | - Posted: Dec 8, 2018 | Last Updated: 3 years ago
Posted: Dec 8, 2018 | Last Updated: 3 years ago

 بولان کے علاقے بھاگ ناڑی میں صاف پانی کی شدید قلت پیدا ہوگئی ہے پندرہ سال سے واٹر سپلائی بند ہےجس سےشہری تالابوں کا مضر صحت پانی پینے پر مجبور ہيں۔

ضلع بولان کی تحصیل بھاگ ناڑی میں قلت آب کا مسئلہ شدت اختیار کرگیا شہری پینے کے صاف پانی کی بوند بوند کو ترس گئے۔

شہر اور نواح کو پانی کي فراہمي کيلئے 18 سال قبل اربوں روپے سےپٹ فیڈر کینال سے کچھی واٹرسپلائی پراجیکٹ شروع کیا گیا ليکن منصوبہ مکمل ہونے کے باوجود بھاگ شہر کو پانی نہ مل سکا۔

اب يہاں انسان اور جانور ايک ہي جگہ يعني کچے تالاب سے سیلابی پانی پیتے ہیں جوان کيلئے کسي نعمت سے کم نہیں ليکن مضر صحت پانی پینے سے شہري مختلف امراض کا شکار ہیں۔

ترستے شہريوں کا صوبائی حکومت سے مطالبہ ہے کہ پٹ فیڈر کینال سے کچھی واٹرسپلائی پراجیکٹ کے ذریعے فوری طور پر بھاگ ناڑی شہر کو پانی کي فراہمي کيلئے اقدامات کرے۔

دوسری جانب چیف جسٹس پاکستان جسٹس ثاقب نثار نے بلوچستان کے علاقے بھاگ ناڑی میں صاف پانی کی کمی پرنوٹس لیتے ہوئے ایڈووکیٹ جنرل،چیف سیکریٹری اورسکریٹری صحت بلوچستان سمیت ڈپٹی کمشنربولان کوبھی نوٹس جاری کردیا ہے۔

WhatsApp FaceBook
تازہ ترین
 
 
 
مقبول خبریں
مقبول خبریں
 
 
 
 
 
Facebook Twitter Youtube