ڈمپر گرنے کے باعث سیندک پراجیکٹ کے دو ملازمین جاں بحق
SAMAA |
Muhammad Atif Ali
Posted: Nov 23, 2018 | Last Updated: 3 years ago
بلوچستان کے ضلع چاغی میں ڈمپر گرنے کے باعث سیندک پراجیکٹ کے دو ملازمین زخمی ہوگئے جو اسپتال منتقل ہونے سے قبل ہی دم توڑ گئے۔
لیویز کے مطابق واقعہ صبح پیش آیا جہاں سیندک پراجیکٹ کےمائننگ ایریا میں کام کے دوران ڈمپر اچانک گر گیا جس کے نتیجے میں نجی کمپنی کے دو ملازمین رشید خان اور محمد علی شدید زخمی ہو گئے۔
زخمیوں کو اسپتال منتقل کیا جا رہا تھا کہ وہ راستے میں ہی زخموں کی تاب نہ لاتے ہوئے چل بسے، جاں بحق ہونے والے ملازمین کا تعلق مستونگ اور نوشکی سے تھا۔
جاں بحق ہونے والے مزدوروں کی لاشیں اسپتال میں ضروری کارروائی کے بعد آبائی علاقوں کو روانہ کر دی گئی ہیں جب کہ واقعے کی مزید تحقیقات جاری ہیں۔
تازہ ترین
مقبول خبریں
