Tuesday, May 17, 2022  | 1443  شوّال  15

پی ٹی سی کوئٹہ میں ریکروٹس کی پاسنگ آؤٹ تقریب

SAMAA | - Posted: Jun 8, 2018 | Last Updated: 4 years ago
Posted: Jun 8, 2018 | Last Updated: 4 years ago

کوئٹہ پولیس ٹریننگ کالج میں چھياسويں بیج کی پاسنگ آؤٹ کی تقریب منعقد ہوئی جس ميں ايک سو چھياسی ریکروٹس پاس آوٹ ہوئے،جب کہ پی ٹی سی کے قیام سے لیکر اب تک 46 ہزار ریکروٹس تربیت مکمل کر چکے ہیں، اس موقعہ پر پاس آئوٹ ریکروٹس نے پریڈ کا شاندار مظاہرہ بھی کیا اوراپنی زمہ داری کا حلف بھی اٹھایا۔

تقریب سے خطاب کرتے ہوئے مہمان خصوصی آئی جی پولیس معظم جاء انصاری کا کہنا تھا کہ جوانوں کو آٹھ ماہ کی ٹریننگ سے پختہ سپاہی بنتے دیکھا، انتھک محنت کے بعد جوان عوام کے تحفظ کے لئے تیار ہیں،ہم نے ایک مشن کی تکمیل کرنی ہے، ہم نے اس کام کی تکمیل کرنی ہے جس میں جوان خون بہا نے کے لئے تیار رہتا ہے، آپ کے روئیے میں آپ کے خاندان اور محکمہ پولیس کی عزت ہے آپ نے اپنی ہر چیز کو عزت کے مقام پر لیکر جانا ہے۔

ان کا مزید کہنا تھا کہ ہمارے سامنے جوانوں کے خون کی اچھی مثالیں ہیں ،ہمارے ڈی آئی جی سے لیکر سپاہی تک کے لوگ شہید ہوئے، اور بلوچستان پولیس کے 886 پولیس افسران اور اہلکار شہید ہو چکے ہیں، آپ نے تنخواہء کے لئے نہیں بلکہ شوق سے ڈیوٹی کرنی ہے اور اگرآپ نے جذبے سے نوکری نہیں کرنی تو محکمہ پولیس میں نوکری کی ضرورت نہیں۔

انھوں نے اس عزم کا اظہار بھی کیا کہ وہ پی ٹی سی کو جلد مایہ ناز ادارہ بنا دیں گے،جب کہ محکمہ پولیس کے لئے بیس کروڑ کی اسکیمیں بھی پلان کی ہوئی ہیں۔اس موقعہ پر بہترین کاکردگی کے حامل ریکروٹس کو انعامات سے بھی نوازا گیا۔

WhatsApp FaceBook
تازہ ترین
 
 
 
 
 
 
 
 
Facebook Twitter Youtube