افغان فورسز حملہ،ٹرانزٹ ٹریڈ8ویں روز بھی معطل

چمن : افغان فورسز کی جانب سے چمن سرحد پر حملے کے آٹھویں روز بھی نیٹو سپلائی، افغان ٹرانزٹ ٹریڈ سمیت پیدل آمد و رفت بدستور معطل ہے۔

چمن کے قریب کلی لقمان اورکلی جہانگیر میں سرحدی حدود کے تعین کا سروے تو مکمل کرلیا گیا ہے، تاہم علاقوں میں اب بھی مردم شماری نہیں کرائی جاسکی۔ سروے ٹیموں کی جانب سے رپورٹ حکام کو ارسال کردی گئی ہے۔

بابِ دوستی بدستور آٹھویں روز بھی بند ہے، جس کے باعث نیٹو سپلائی افغان ٹرانزٹ ٹریڈ سمیت پیدل آمدورفت معطل بدستور معطل ہے۔ سیکیورٹی حکام کے مطابق کابل اور اسلام آباد پاک افغان سرحد کھولنے سے متعلق حتمی فیصلہ کریں گے، جس کے بعد دونوں ملکوں کے حکام کے درمیان ایک اور ملاقات متوقع ہے۔

واضح رہے کہ کلی جہانگیر،کلی لقمان، کلی مازل سمیت متعدد سرحدی دیہات میں افغان فورسز کی سرحدی خلاف ورزی اور حملے کے بعد مردم شماری بھی معطل کر دی گئی ہے۔ سماء