Tuesday, May 17, 2022  | 1443  شوّال  15

فوجی روایات اوراقدار کیمطابق بھارتی جارحیت کابھرپورجواب دینگے

SAMAA | - Posted: Apr 30, 2017 | Last Updated: 5 years ago
SAMAA |
Posted: Apr 30, 2017 | Last Updated: 5 years ago

کشمیر/ ایل او سی : آرمی چیف جنرل قمر جاوید باجوہ کا کہنا ہے کہ بھارت مایوسی میں کشمیری عوام کیخلاف جارحیت کررہا ہے، فوجی روایات اور اقدار کے مطابق بھارتی جارحیت کا بھرپور جواب دینگے۔

پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق آرمی چیف جنرل قمر جاوید باجوہ نے لائن آف کنٹرول (ایل او سی) پر حاجی پیر سیکٹر کا دورہ کیا، دورے کے دوران آرمی چیف کو ایل او سی پر سیز فائر کی خلاف ورزیوں سے متعلق بریفنگ دی گئی، جب کہ پاک افواج کی آپریشنل تیاریوں سے بھی آگاہ کیا گیا۔

اس موقع پر جوانوں اور افسروں سے خطاب میں آرمی چیف کا کہنا تھا کہ مقبوضہ کشمیر میں بھارتی فوج کا تشدد ہر لحاظ سے ریاستی تشدد ہے، بھارتی جارحیت سے آزاد کشمیراور پاکستان میں عوامی جذبہ بڑھ رہا ہے، پاکستان نہتے کشمیری بچوں اور خواتین پر بھارتی مظالم پر لاتعلق نہیں رہ سکتا۔

COAS-2

انہوں نے کہا کہ کشمیریوں کو خوف اور جبر کے بغیر رہنے کا پورا حق ہے، ہمیشہ کشمیریوں کے حق خودارادیت اور سیاسی جدوجہد کے ساتھ کھڑے رہیں گے، بھارتی فوج کشمیرمیں ریاستی دہشت گردی کررہی ہے، بھارتی مظالم پرعوام کے صبر کا پیمانہ لبریز ہو رہا ہے، کشمیریوں کی سیاسی جدوجہد کی حمایت کرتے رہیں گے۔

COAS-1

اس سے قبل ایل او سی سیکٹر آمد پر کور کمانڈر راول پنڈی لیفٹننٹ جنرل ندیم رضا اور جنرل آفیسر کمانڈنگ (جی او سی) مری نے آرمی چیف کا شاندار استقبال کیا۔ سماء

WhatsApp FaceBook
تازہ ترین
 
 
 
 
 
 
 
 
Facebook Twitter Youtube