Monday, May 16, 2022  | 1443  شوّال  14

اسلام آبادہائی سیکیورٹی زون کاقیام،آرڈیننس کامسودہ تیار

SAMAA | - Posted: Nov 7, 2014 | Last Updated: 8 years ago
SAMAA |
Posted: Nov 7, 2014 | Last Updated: 8 years ago

اسٹاف رپورٹ

اسلام آباد  :  اسلام آباد میں ہائی سیکیورٹی زون کے قیام کے آرڈیننس کا مسودہ تیار کرلیا گیا ہے، ریڈزون میں دھرنوں اور احتجاج پر پابندی کی سفارش، خلاف ورزی پر دس سال قید کی سزا تجویز کر دی گئی۔

مسودے کے مطابق پارلیمنٹ ہاؤس، وزیراعظم ہاؤس اور آفس، ایوان صدر، سپریم کورٹ، وفاقی شرعی عدالت، ڈپلومیٹک انکلیو، ایف بی آر، ڈی چوک اور پریڈ ایونیو ہائی سیکیورٹی زون کا حصہ ہوں گے۔

چیف کمشنر کسی بھی علاقے کو ہائی سیکیورٹی زون قرار دینے کے مجاز ہوں گے، مسودے کے مطابق، کسی کو بھی ہائی سیکیورٹی زون میں احتجاج، بچوں اور خواتین کو شیلڈ بنا کر دھرنے کی اجازت نہیں ہوگی۔ غیر متعلقہ شخص سیکیورٹی زون میں داخل نہیں ہو سکے گا۔

کسی عمارت کو نقصان پہنچانے، ڈنڈا لانے یا چار سے زیادہ افراد کے اجتماع پر پابندی ہوگی۔ آرڈیننس میں خلاف ورزی پر دس سال قید کی سزا تجویز کی گئی ہے۔ سماء

WhatsApp FaceBook
تازہ ترین
 
 
Facebook Twitter Youtube