Wednesday, May 18, 2022  | 1443  شوّال  17

وفاقی کابینہ نے بیسویں ترمیم کے مسودے کی منظوری دیدی

SAMAA | - Posted: Feb 14, 2012 | Last Updated: 10 years ago
SAMAA |
Posted: Feb 14, 2012 | Last Updated: 10 years ago

اسٹاف رپورٹر
اسلام آباد: وفاقی کابینہ نے بیس ویں آئینی ترمیم کے مسودے کی منظوری دے دی ہے۔ مسودے ميں اپوزيشن کی تراميم کو شامل کرليا گيا ہے۔
اس آئينی ترميم کا مقصد اٹھائیس منتخب نمائندوں کو تحفظ دینا ہے ۔۔ یہ ترمیم آج قومی اسمبلی کے اجلاس ميں پيش کئے جانے کا امکان ہے۔
وزیراعظم گیلانی کی زیر صدارت وفاقی کابینہ کا اجلاس اسلام آباد میں ہوا۔ اجلاس ميں بيسویں آئينی ترميم کا مسودہ پيش کيا گيا،جسے کابينہ نے منظور کرليا۔
مسودے ميں معطل اٹھائیس اراکین پارلیمنٹ کو آئینی تحفظ دینے کی تجویز بھی دی گئی ہے۔
ذرائع کے مطابق نگراں سیٹ اپ پر اپوزیشن لیڈر اور وزیراعظم کے درمیان اتفاق نہ ہونے پر پارلیمانی کمیٹی قائم کی جائے گی۔ کمیٹی تین دن میں کوئی فیصلہ نہ کرے تو معاملہ الیکشن کمیشن کے پاس جائے گا۔ کابينہ نے الیکشن کمیشن کے ارکان کی مدت پانچ سال کرنے کی تجویز دی ہے۔
کابینہ نے وزیراعظم کی قیادت پر بھرپور اعتماد کا اظہار کیا ۔۔اجلاس سے خطاب کرتے ہوئے وزیراعظم کا کہنا تھا کہ ادارے اپنی حدود میں رہیں گے تو کوئی تصادم نہیں ہوگا۔انہوں نے کہا کہ ان کی نیت خراب نہیں ہے۔۔ اس لئے سب کو ساتھ لے کر چل رہے ہیں۔

WhatsApp FaceBook
تازہ ترین
 
 
 
 
 
 
 
 
Facebook Twitter Youtube