بہاؤالدین زکریا یونی ورسٹی کے وی سی کی تقرر غیر آئینی قرار
SAMAA |
Web desk
Posted: Oct 7, 2011 | Last Updated: 11 years ago
اسٹاف رپورٹ
سپریم کورٹ نے بہاؤالدین زکریا یونیورسٹی کے وائس چانسلر کی تقرری غیر آئینی قرار دیکر وزیراعلٰی کی سمری کے مطابق نئی تقرری کی ہدایت کردی ہے۔
جسٹس تصدق جیلانی کی سربراہی میں سپریم کورٹ کے تین رکنی بینچ نے بہاؤالدین زکریا یونیورسٹی کے وائس چانسلر کی تقرری کے کیس کا محفوظ شدہ فیصلہ سنا دیا۔
فیصلے میں کہا گیا ہے کہ وائس چانسلر کی تقرری کے لیے فوقیت وزیراعلٰی کی سمری کو حاصل ہے ۔ بہاؤالدین زکریا یونیورسٹی کے وی سی کی تقرری میں آئین کے آرٹیکل ایک سو پانچ کی خلاف ورزی ہوئی ہے۔
گورنر وزیراعلیٰ کی سمری سے متفق نہیں تھے تو پندرہ دن میں واپس بھجوا دیتے۔ سپریم کورٹ نے وزیراعلٰی کے سفارش کردہ سید قمر خواجہ کو وی سی مقرر کرنے کا حکم دیا ہے۔ سماء
تازہ ترین
مقبول خبریں
