امریکی صدر ٹرمپ کا ٹوئٹر اکاؤنٹ ڈی ایکٹیویٹ ہوگیا

واشنگٹن : امریکی صدر ڈونلڈ ٹرمپ کا ٹوٹر اکاؤنٹ ڈی ایکٹویٹ کردیا گیا، اکاؤنٹ ٹوئٹر ملازم نے جان بوجھ کر کیا۔

خبر رساں ادارے کی جانب سے جاری رپورٹ کے مطابق ٹوئٹر انتظامیہ کی جانب سے امریکی صدر ڈونلڈ ٹرمپ کا ٹوئٹر اکاؤنٹ ڈی ایکٹی ویٹ کر دیا گیا تھا۔

ڈونلڈ ٹرمپ کا ٹوئٹر اکاؤنٹ گیارہ منٹ تک ڈی ایکٹیویٹ رہا۔ واقعہ سے متعلق ٹوئٹر انتظامیہ کا کہنا ہے کہ امریکی صدر کا اکاؤنٹ انسانی غلطی کے باعث ڈی ایکٹیویٹ ہوا، تاہم ڈی ایکٹیویٹ ہونے کے بعد مذکورہ اکاؤنٹ کو بحال کردیا گیا ہے۔

Through our investigation we have learned that this was done by a Twitter customer support employee who did this on the employee’s last day. We are conducting a full internal review. https://t.co/mlarOgiaRF

— Twitter Government (@TwitterGov) 3 November 2017

ٹوئٹر انتظامیہ کا مزید کہنا تھا کہ واقعہ کی مزید تحقیقات جاری ہیں، اور ہم اس بات کو یقینی بنا رہے ہیں کہ آئندہ ایسا دوبارہ نہ ہو۔

ٹوئٹر انتظامیہ کے مطابق تحقیقات سے یہ بات سامنے آئی ہے کہ متعلقہ ٹوئٹر کسٹمر سپورٹ ملازم جو ڈیوٹی پر موجود تھا، اس کی جانب سے یہ عمل کیا گیا، اور وہ اس کی جاب کا آج آخری دن تھا۔ تاہم معاملے کی مکمل جانچ پڑتال اور انکوائری جاری ہے۔

واضح رہے کہ اس سے قبل نفرت اور اشتعال انگیز بیانات پر ٹوئٹر انتظامیہ کی جانب سے امریکی صدر کو اکاؤنٹ بند کرنے کی دھمکی بھی دی گئی تھی۔

For a few brief, blissful moments, Donald Trump's Twitter account went down https://t.co/vdd45nV49O pic.twitter.com/pxk8WEk5OD

— Mashable (@mashable) 2 November 2017

نو منتخب امریکی صدر ڈونلڈ ٹرمپ صدارتی مہم سے لے کر صدر منتخب ہونے تک سماجی روابط کی ویب سائٹ ٹوئٹر سمیت دیگر ویب سائٹس پرمخالفین کو دھمکی آمیز پیغامات بھیجتے رہے تھے۔

ٹوئٹر کمپنی کے ترجمان نے اپنے بیان میں نو متخب صدر کو خبردار کیا تھا کہ تشدد بڑھانا، نفرت پھیلانا سائٹ کے اصولوں کے خلاف ہے، قواعد اور ضوابط کی خلاف کرنے والے صارف کے تمام اکاؤنٹ بند کئے جاسکتے ہیں۔

ٹوئٹر ترجمان نے واضح کرتے ہوئے کہا تھا کہ ویب سائٹ استعمال کرنے کی پالیسی تمام صارفین کے لئے یکساں ہے اور اس حوالے سے کسی بھی شخص کو مراعات حاصل نہیں ہے۔ سماء