میچ کے بعد شعیب اورثانیہ کی ٹویٹس نےسوشل میڈیا پرتہلکہ مچادیا

پاکستان اور سری لنکا کے درمیان قذافی اسٹیڈیم میں کھیلے جانے والے تیسرےٹی ٹوئنٹی میں بھی پاکستان کی فتح نے جہاں سب کو بے حد مسرور کیا وہیں شعیب ملک اور ان کی اہلیہ ثانیہ مرزا کی ٹویٹس نے بھی سوشل میڈیا پر خوب دھوم مچائی۔

شعیب ملک کو مین آف دی سیریز قرار دیا گیا اور ساتھ ہی ایک چمکتی دمکتی اسپورٹس بائیک بھی انہیں ملی۔ میچ دیکھنے کے لئے خصوصی طور پربھارت سے آنے والی ان کی اہلیہ ٹینس اسٹار ثانیہ مرزانے خوشی سے لبریز ہو کرازراہ مذاق سماجی رابطوں کی ویب سائٹ ٹوئٹر پر پیغام لکھا کہ ’’چلیں پھر اس پر‘‘۔

Chalen phir is pe?? ???#MOM #Manoftheseries @realshoaibmalik pic.twitter.com/iEnkxuKJ7O

— Sania Mirza (@MirzaSania) October 29, 2017

بیوی کی بات بھلا کون ٹال سکتا ہے، شعیب نے فرمانبردار شوہر ہونے کا پورا پورا ثبوت دیتے ہوئے جواب میں کہا کہ ’’یس یس، جلدی سے تیار ہو جاؤ جان ، میں راستے میں ہوں ‘‘۔

Yes yes! Jaldi se ready ho jao jaan im on the way ❤️ https://t.co/QnLkPmbNGP

— Shoaib Malik (@realshoaibmalik) October 29, 2017

مگریہ لانگ ڈرائیو شروع ہونے سے پہلے ہی شعیب کی ایک تصویرسامنے آئی جس میں نئی نویلی بائیک پرثانیہ سے پہلے اسپنرشاداب خان براجمان تھے۔ ثانیہ نے شاید شعیب کا جواب پڑھا نہیں تھا ۔ اگلی ٹویٹ میں انہوں نے لکھا کہ ’’اوکے کوئی بات نہیں، میرے خیال سے سیٹ پہلے ہی کوئی لے چکا ہے‘‘۔

Ok never mind.. I guess the seat is taken already ??‍♀️? @realshoaibmalik @76Shadabkhan ? pic.twitter.com/TuAquumw5j

— Sania Mirza (@MirzaSania) October 29, 2017

بیوی کے سامنے تو ہیرو بھی زیرو کے مصداق شعیب نے فوری صفائی پیش کی اور شاداب خان سے متعلق بتاتے ہوئے لکھا کہ ’’نہیں نہیں، ایسا کچھ نہیں، اسے میں نے گراؤنڈ میں ہی اتار دیا ہے‘‘۔

No no left him at the ground far away koi chakkar hi nai hey aiesa

— Shoaib Malik (@realshoaibmalik) October 29, 2017

شعیب خان کی معصومانہ وضاحت پرشاداب خان نے بھی انٹری دے دی۔

????

— Shadab Khan (@76Shadabkhan) October 29, 2017

پاکستان کی شاندار فتح کے ساتھ ساتھ سوشل میڈیا صارفین میاں بیوی کے ان دلچسپ مکالموں سے بھی خوب محضوظ ہوئے۔ سماء