ایک ہفتے میں تیسری بوری بند لاش برآمد

راول پنڈی : پولیس نے راول پنڈی میں ایک ہفتے میں تیسری بوری بند لاش برآمد کی ہے۔

تفصیلات کے مطابق راولپنڈی سے ایک ہفتے کے دوران تین بوری بند لاشیں برآمد کی گئی ہیں، تاہم تین لاشیں ملنے کے باوجود پولیس اب تک قتل کا معمہ حل کرنے میں ناکام ہے۔

تازہ کارروائی کے دوران راولپنڈی کے علاقے ایئر پورٹ سرکل سے خاتون کی تشدد زدہ بوری بند لاش برآمد کی گئی، پولیس اب تک یہ پتہ نہ چلا سکی کہ ان کا قاتل کون ہے ، اور کیوں قتل کیا گیا۔

پولیس کے مطابق اسی ہفتے ملنے والی دیگر دو لاشوں کی شناخت اب تک نہیں ہوسکی، جب کہ ایک خاتون کے بارے میں کہا جا رہا ہے کہ وہ علاج کے لیے چار دن پہلے گھر سے نکلی تھی اور انسٹی ٹیوٹ آف کارڈیالوجی گئی تھی۔

پولیس تینوں قتل کا معمہ حل کرنے میں ناکام ہے، تاہم ایس پی پھوٹو ہار کی سربراہی میں تحقیقاتی کمیٹی قائم کی گئی ہے جبکہ سی پی او راولپنڈی نے تفتیشی ٹیم سے رپورٹ طلب کر لی ہے۔ سماء