اقوام متحدہ نے دنیا بچانے کا نسخہ بتادیا

اقوام متحدہ : اقوام متحدہ کے سیکریٹری جنرل انتونیو گوٹیرس نے دنیا بچانے کا نسخہ بتادیا، تخفیف جوہری اسلحے کے عالمی دن کے موقع پر ان کا کہنا تھا کہ جوہری اسلحہ کے استعمال سے انسانی و ماحولیاتی مسائل کا دائرہ وسیع ہوسکتا ہے، اس لئے جوہری اسلحے کے حامل ممالک اس میں کمی لانے کیلئے اقدامات کریں۔

غیر ملکی خبر رساں ادارے کے مطابق سیکریٹری جنرل اقوام متحدہ انتونیو گوٹیرس نے تخفیف جوہری اسلحہ کے عالمی دن کے موقع پر خطاب کرتے ہوئے کہا کہ شمالی کوریا کی اشتعال انگیزی جوہری اسلحے کی دوڑ کے رحجان میں اضافہ کرنے کا سبب بنی ہے، جس کی مذمت کرتے ہوئے ہم اس مسئلے کا پُرامن سفارتی و سیاسی حل چاہتے ہیں۔

واضح رہے کہ اقوام متحدہ کے 122 ممالک بشمول امریکا، روس اور چین نے تخفیف جوہری اسلحہ کے ایک مشترکہ معاہدے کی تجویز پیش کی تھی، جس پر 50 سے زائد ممالک نے دستخط کردیئے ہیں۔ ایجنسیز