آصف زرداری کو بری کرنے کا فیصلہ عدالت میں چیلنج
راول پنڈی / لاہور : نیب نے سابق صدر آصف علی زرداری کو بری کرنے کا عدالتی فیصلہ چیلنج کردیا، نیب کی جانب سے لاہور ہائی کورٹ راولپنڈی بینچ میں درخواست دائر کردی گئی ہے۔
سماء کے مطابق نیب نے سابق صدر آصف علی زرداری کو اثاثہ جات کیس میں بری کرنے کا فیصلہ لاہور ہائی کورٹ راول پنڈی بینچ میں چیلنج کردیا گیا۔ نیب نے آصف زرداری کے اثاثہ جات کیس کے فیصلے کے خلاف درخواست دائر کی۔
نیب نے درخواست میں کہا ہے کہ احتساب عدالت نے آصف زرداری کو سرسری سماعت کے نتیجے میں بری کر کے ایک غلط مثال قائم کی۔ نیب کے پاس آصف زرداری کے خلاف 22 ہزار تصدیق شدہ دستاویزات موجود ہیں۔ نیب اپیل کے متن کے مطابق احتساب عدالت نے اہم ریکارڈ پیش نہیں کرنے دیا۔
نیب نے راول پنڈی بینچ کے سامنے کیس کی پیروی کے لیے ٹیم تشکیل دے دی ہے،نیب کی ٹیم اسپیشل پراسیکیوٹر عمران شفیق کی سربراہی میں مقدمے کی پیروی کرے گی۔
واضح رہے کہ احتساب عدالت نے اثاثہ جات کیس میں آصف زرداری کو بری کرنے کا حکم دیا تھا۔ سماء
ASIF ALI ZARDARI
corruption Cases
