الطاف حسین کی یمن تنازع پر پارلیمنٹ کی متفقہ قرار داد پر مبارکباد

ویب ایڈیٹر

کراچی : الطاف حسین نے یمن تنازع پر قرار داد متفقہ طور پر منظور ہونے پر پارلیمانی کمیٹی کو مبارکباد پیش کی ہے، ان کا کہنا ہے کہ پاکستان کی جانب سے فریق نہ بننے اور قرار داد کے مثبت اثرات خطے اور مسلم امہ پر جلد رونما ہونگے۔

متحدہ قومی موومنٹ کے قائد الطاف حسین نے اپنے ایک بیان میں یمن کی صورتحال پر قرار داد متفقہ طور پر منظور کئے جانے پر پارلیمانی کمیٹی کو مبارکباد پیش کی، انہوں نے کہا کہ یمن اور سعودی عرب کے درمیان جاری جنگ میں پاکستان کا فریق نہ بننا انتہائی خوش آئند ہے اور اس کے مثبت ثمرات جلد ہی مسلم امہ اور خطے پر رونما ہوں گے۔

ایم کیو ایم قائد نے امید ظاہر کی کہ یمن کی خانہ جنگی کو مذاکرات اور افہام و تفہیم کے ذریعے ختم کرانے کیلئے مسلم امہ اور عالمی برادری اپنی تمام توانائیوں اور صلاحیتیوں کا استعمال کرے گی۔ سماء