الطاف حسین کی عزت اسی میں ہے وہ اپنا امیدوار واپس لے لیں، سراج الحق

ویب ایڈیٹر:

کراچی : امیر جماعت اسلامی سراج الحق نے کہا ہے کہ الطاف حسین کی عزت اسی میں ہے کہ الیکشن سے اپنے امیدوار کو دستبردار کر لیں۔

امیر جماعت اسلامی سراج الحق نے کراچی میں جلسہ عام سے خطاب میں کہا کہ الطاف حسین صاحب اب جی تھری کازمانہ ختم ، اب تھری جی کا زمانہ آگیا ہے، کراچی کےلوگ اب آزادی کا سانس لینا چاہتے ہیں، 23 اپریل سیکٹرانچارج کی بدمعاشی کے خاتمے کا دن ہے، انہوں نے کہا کہ نبیل گبول دوسال تک سوتے رہےاور اب ان کا ضمیر جاگ گیا ہے،اس حلقے میں ٹھپے لگائے گئے نبیل گبول نے بھی اعتراف کرلیا۔

انہوں نے وزیر اعلیٰ سندھ سے سوال کرتے ہوئے کہا کہ قائم علی شاہ سے پوچھتا ہوں کراچی میں یہ کیا ڈرامہ ہورہا ہے، عوام کو فیصلہ کرنا ہے کہ کراچی میں قانون کی حکمرانی ہوگی یا سیکٹرانچارج کی۔ غنڈہ گردی کی سیاست نہیں چلے گی، 23 اپریل یوم الحساب ہے،جو تاجر بھتا نہیں دیتا اس کو قتل کردیا جاتا ہے یااغوا کرلیا جاتا ہے،جب بھی کراچی میں صحافی سچ لکھتا ہے اسے قتل کردیا جاتا ہے۔

انہوں نے کہا کہ اس حلقےمیں ٹھپے لگائےگئےنبیل گبول نےبھی اعتراف کرلیا،عوام نے راشد نسیم اور اجمل پہاڑی کے درمیان انتخاب کرنا ہے، آج لوگ کراچی کو اجمل پہاڑی اور صولت مرزا کے نام سے جانتے ہیں، کراچی کے لوگ کہتے ہیں، سلیکشن نہیں الیکشن ہونے چاہییں، انھوں نے سوال کیا کہ شہرکو اغوابرائے تاوان اور بھتا خوری کا تحفہ کیوں دیا گیا ۔ کراچی کی خوشحالی پاکستان کی خوشحالی ہے ،کراچی میں جبر کا خاتمہ ہونے والا ہے،

انہوں نے کہا کہ الطاف حسین نے رینجرز چھاپے کے بعد کہا تھا کہ اگر یہ لوگ رات کو ادھراُدھر ہوجاتے تو بدنامی نہ ہوتی، لوگ اس شہرکو صولت مرزا کے حوالے سے جانتے ہیں،یہ شہرتو شاہ احمدنورانی کاہے،مگراب لوگ اسکواجمل پہاڑی کےنام سےجانتےہیں، شہرنے الطاف حسین اور اس کے ٹولے کوکیا کچھ نہیں دیا،انھوں نے کہا کہ کراچی میں عدالتیں آزاد نہیں،جو درود اور سلام کو سننا نہیں چاہتے، ان کو امریکا اور لندن جانا چاہیں۔ سماء