کئی جانیں لینے کے بعد ینگ ڈاکٹرز کی ہڑتال ختم

لاہور : پنجاب بھر میں کئی مریضوں کی جانیں لینے کے بعد بالا آخر ہٹ دھرم ینگ ڈاکٹرز نے ہڑتال ختم کرنے کا اعلان کرتے ہوئے ڈیوٹیز پر جانے کا اعلان کردیا۔ سماء کے مطابق ینگ ڈاکٹرز اور محکمہ صحت میں مذاکرات کامیاب ہونے کے بعد پنجاب بھر کے ینگ ڈاکٹرز نے ہڑتال ختم کرکے  اسپتالوں میں کام کا آغاز کردیا۔

ہڑتال ختم ہونے کے بعد آج سے ان ڈور آﺅٹ ڈور اور ایمرجنسی میں کام شروع کر دیا گیا ہے، جس کے بعد پنجاب کے سرکاری اسپتالوں میں 15 روز سے جاری ینگ ڈاکٹرز کی ہڑتال ختم ہوگئی۔ ینگ ڈاکٹرز 11 بجے پریس کانفرنس میں مذاکرات میں ہونے والی پیش رفت پر بریفنگ دیں گے۔ محکمہ صحت ایڈہاک ڈاکٹروں کو مستقل کرنے کی سمری وزیراعلیٰ پنجاب کوبھیجے گا۔

محکمہ صحت نے ہڑتال کے دوران برطرف ڈاکٹروں کی برطرفی کا نوٹیفکیشن واپس لینے کی بھی یقین دہانی کرا دی ہے اور اس کے علاوہ سینٹرل انڈکشن پالیسی پر تمام کالجز کی اکیڈمک کونسل نظرثانی کریں گی۔ سماء