شریفوں میں ہمدردی کا عنصر مکمل طور پر ختم ہوچکا، پرویز الٰہی

کراچی : ق ليگ کے رہنماء پرويز الٰہی نے کہا ہے نواز شريف کے قافلے کی گاڑی سے بچے کی ہلاکت انتہائی افسوسناک ہے، ان ميں ہمدردی کا پہلو مکمل طور پر ختم ہوچکا ہے۔

نواز شریف کے قافلے کی گاڑی کی ٹکر سے بچے کی ہلاکت پر ق لیگ کے رہنماء اور سابق وزیراعلیٰ پنجاب پرویز الٰہی کا رد عمل بھی سامنے آگیا، سماء سے گفتگو میں بولے کہ بچے کی ہلاکت انتہائی افسوسناک ہے، شریف خاندان میں ہمدردی کا پہلو مکمل طور پر ختم ہوچکا ہے، قافلے کيساتھ جو موبائل تھی وہ بچے کو اسپتال منتقل کرسکتی تھی، ون ون ٹو ٹو کی موبائل بھی ساتھ تھی۔

انہوں نے مزید کہا کہ بچہ اسپتال ميں جاں بحق ہوا، بروقت امداد مل جاتی تو شاید بچے کی جان بچ جاتی۔ سماء