پی ایس ایکس میں مندی، 100 انڈیکس 411 پوائنٹس کی کمی

کراچی : پاکستان اسٹاک ایکسچینج (پی ایس ایکس) میں مندی کا رجحان رہا، کے ایس ای 100 انڈیکس 411 پوائنٹس کی کمی سے 46 ہزار 465 پوائنٹس پر بند ہوا۔

پی ایس ایکس میں حصص کی فروخت کے دباﺅ اور مارکیٹ کریکشن کے باعث مندی کا رجحان رہا، کے ایس ای 100 انڈیکس 4 نفسیاتی حدیں گر گیا، 411 پوائنٹس کمی کے بعد 46 ہزار 465 پوائنٹس پر بند ہوا۔

مارکیٹ سرمایہ میں 75 ارب 68 کروڑ 79 لاکھ 14 ہزار 747 روپے کی کمی رہی جبکہ تجارتی حجم میں بھی 3 ارب 22 کروڑ 2 لاکھ 80 ہزار 588 روپے کی کمی ریکارڈ کی گئی، اسی طرح خرید و فروخت میں 10 کروڑ 52 لاکھ 9 ہزار 50 حصص کی مندی رہی۔

کے ایس ای 30 انڈیکس بھی 248 پوائنٹس کی مندی سے 24 ہزار 123 پوائنٹس پر بند ہوا، کے ایس سی آل شیئر انڈیکس میں 255 پوائنٹس کی کمی ریکارڈ کی گئی، کے ایم آئی 30 انڈیکس میں 1043 پوائنٹس کی مندی رونماء ہوئی۔ اے پی پی