سرینگر : مقبوضہ کشمیر میں بھارتی مظالم جاری ہیں، جہاں سوپور میں تین کشمیری نوجوانوں کو دہشت گرد قرار دے کر شہید کردیا گیا ہے، بھارتی فوج نے الزام عائد کرتے ہوئے کہا ہے کہ مارے جانے والوں کا تعلق لشکر طیبہ سے تھا۔ کشمیری میڈیا سروس کی جانب سے جاری رپورٹس کے مطابق مقبوضہ کشمیر میں بھارتی مظالم جاری ہیں، جہاں سرینگر میں سوپور کے علاقے میں تین کشمیری نوجوانوں کو دہشت گرد قرار دے کر شہید کردیا گیا ہے۔

بھارتی فوج کی جانب سے الزام عائد کرتے ہوئے دعویٰ کیا گیا ہے کہ مارے جانے والوں کا تعلق لشکر طیبہ سے تھا۔ دوسری جانب تین کشمیری نوجوانوں کی شہادت کے بعد شمالی کشمیر میں تعلیمی ادارے بند کردیئے گئے ہیں۔ جب کہ بھارتی انتظامیہ نے موبائل فون اور موبائل انٹرنیٹ سروس بھی بند کردی ہے۔ سماء