افغستان میں نیٹو قافلے پر خودکش حملہ
کابل : افغانستان میں نیٹو قافلے کے قریب خودکش حملے میں اہلکار ہلاک ہوگیا۔
غیر ملکی خبر رساں ایجنسی کے مطابق افغانستان کے صوبے کابل کے شہر قرہ باغ میں نیٹو فورسز کے قافلے پر خودکش حملہ ہوا، خبر ایجنسی کے مطابق حملے کے نتیجے میں ایک نیٹو فوجی اہلکار ہلاک، جب کہ 6 زخمی ہوگئے ہیں۔
دھماکے سے متعدد شہریوں کے بھی زخمی ہونے کی اطلاعات ہیں، تاہم نیٹو اعلامیہ کے مطابق نیٹو فورسز افغان نیشنل آرمی کے ساتھ مشترکا مشن پر تھے۔
زخمی اہلکاروں کو فوری طبی امداد کی فراہمی کیلئے امریکی بگرام ایئرفیلڈ کے اسپتال منتقل کردیا گیا ہے جہاں ان کی حالت خطرے سے باہر بتائی جاتی ہے۔ سماء
KABUL
TALIBAN
NATO
afghanistan attack
