پی ایس ایکس میں تیزی، 100 انڈیکس میں 135 پوائنٹس کا اضافہ

کراچی : پاکستان اسٹاک ایکس چینج (پی ایس ایکس) میں تیزی کا رجحان رہا، کے ایس ای 100 انڈیکس 135 پوائنٹس کے اضافے سے 47084 پوائنٹس پر بند ہوا۔

پی ایس ایکس میں جمعرات کے روز بھی تیزی کا رجحان رہا، 100 انڈیکس 135 پوائنٹس اضافے سے 47 ہزار 84 پوائنٹس پر بند ہوا، مارکیٹ سرمایہ میں 17 ارب 56 کروڑ 18 لاکھ 95 ہزار 607 روپے کا اضافہ ہوگیا جبکہ خرید و فروخت میں بھی 8 کروڑ 74 لاکھ 74 ہزار 390 حصص کی تیزی رہی، تجارتی حجم میں 69 کروڑ 94 ہزار 851 روپے کی کمی ریکارڈ کی گئی۔

کے ایس ای 30 انڈیکس بھی 83 پوائنٹس کی تیزی سے 24 ہزار 510 پوائنٹس پر بند ہوا، مارکیٹ میں اتار چڑھاﺅ کے بعد کے ایس سی آل شیئر انڈیکس 59.78 پوائنٹس کا اضافہ رونما ہوا جبکہ کے ایم آئی 30 انڈیکس میں 83.19 پوائنٹس کی تیزی ریکارڈ کی گئی۔ اے پی پی