جےآئی ٹی رپورٹ،انڈیکس45 ہزارپوائنٹس کی نفسیاتی سطح کھوگیا

جے آئی ٹی کی مرتب کردہ رپورٹ کے اثرات اسٹاک ایکس چینج پر بھی چھا گئے، صرف چار منٹ میں انڈیکس میں 1500 پوائنٹس کی کمی واقع ہوئی۔ جے آئی ٹی کی رپورٹ سامنے آنے پر پاکستان اسٹاک ایکسچینج میں شدید مندی دیکھنے میں آئی۔ ہفتے کے آغاز میں ہی انڈیکس 45 ہزار کی نفسیاتی سطح کھو گیا۔

پاکستان اسٹاک ایکس چینج میں کاروبار کے آغاز پر ہنڈریڈ انڈکس میں ٹریڈنگ کے دوران پندرہ سو سے زیادہ پوائنٹس کی کمی ہوگئی۔ واضح رہے کہ گزشتہ روز پاناما کیس کی قانونی جنگ میں تاخیر کی اطلاعات پر پاکستان اسٹاک ایکسچینج (پی ایس ایکس) میں بڑے پیمانے پر سرمایہ کاری ہوئی تھی اور نئے کاروباری ہفتے کے پہلے روز تیزی کی بڑی لہرکے بعد 100 انڈیکس میں 1052پوائنٹس کا اضافہ ہوا تھا۔

کراچی سے موصول ہونے والی اطلاعات کے مطابق شدید مندی کے باعث سرمایہ کاروں کے آج 230ارب روپے ڈوب گئے۔ سرمایہ کاروں کے مطابق جے آئی ٹی رپورٹ سامنے آنے پر مارکیٹ میں شیئر ہولڈرز اور دیگر افراد میں بے یقینی کی کیفیت ہے، جب کہ پیسہ لگانے والوں نے بھی مارکیٹ سے پیسہ واپس اٹھا لیا ہے۔ سماء