ماہرہ خان نے بیروت فلمی میلہ لوٹ لیا

کراچی : پاکستانی اداکارہ ماہرہ خان کو بیروت انٹرنیشنل ایوارڈ فیسٹیول میں 2 ایوارڈز سے نوازا گیا۔

بھارتی فلم نگری میں خوب شہرت حاصل کرنے کے بعد اب انہیں لبنان کے آٹھویں بیروت انٹرنیشنل ایوارڈ فیسٹیول کی تقریب میں خصوصی طور پر مدعو کیا گیا جہاں بین الاقوامی سطح پر شہرت پانے اور ان کی صلاحیتوں کا اعتراف کرتے ہوئے انہیں ایوارڈ سے نوازا گیا، اداکارہ کو خوبصورت لباس پہننے پر بھی ایک اور ایوارڈ سے نوازا گیا ۔

ماہرہ خان نے سماجی رابطے کی ویب سائٹ ٹوئٹر پر بیروت انٹرنیشنل فیسٹیول کی تقریب کی چند ایک تصاویر اور ویڈیو شیئر کی جس میں انہیں ایوارڈ حاصل کرتے ہوئے دیکھا جاسکتا ہے۔ سماء