بھارتی روحانی پیشوا کی لاش فریزر میں رکھنے کا حکم

نئی دہلی : بھارتی اعلیٰ عدالت نے دائر درخواست پر فیصلہ دیتے ہوئے بھارتی روحانی پیشوا کی لاش کو جلانے کے بجائے فریزر میں رکھنے کی استدعا منظور کرلی۔

غیر ملکی خبر رساں ایجنسی کے مطابق بھارتی کے روحانی پیشوا آشوتوش مہاراج کی لاش جلانے کے بجائے دو سال کا عرصہ گزرجانے کے باوجود اب بھی فریزر میں رکھا جائے گا جس کے لئے باقاعدہ طور پر عدالت نے بھی اجازت دے دی ہے۔

آشوتوش مہاراج کی موت 2014میں دل کادورہ پڑنے سے واقع ہوئی جس کے بعد عقیدت مندوں کی جانب سے ان کی لاش کو جلانے کے بجائے ایک بڑے آشرم کی زینت بنایا گیا۔

برطانوی نشریاتی ادارے کے مطابق '’دیویا جیوتی جاگرتی‘ عقیدے کے ماننے والوں کا یقین ہے کہ ان کے مہاراج آج بھی مرے نہیں بلکہ وہ گہرے ’مراقبے ‘میں ہیں اور ایک دن وہ ضرور زندہ ہوجائیں گے ۔

آشوتوش مہاراج کے بیٹے دلیپ جھا کی جانب سے بھارت کی عدالت سے والد کی لاش کو نذر آتش طلب کرنے کی اجاازت طلب کی گئی تھی۔ دوسری جانب مہاراج کے عقیدت مندوں کے مطابق آشوتوش مہاراج کی لاش دوبارہ زندہ ہونے کے یقین کی خاطر جسد خاکی فریزر میں رہنے کے حق میں مقدمے دائر کیا گیا تھا جس کے تین سال بعد عقیدت مند فتح یاب ہوئے اور بھارتی عدالت نے لاش جلانے کے بجائے فریزر کرنے کی اجازت دے دی۔

مہاراج کے بیٹے کے مطابق ان کے والد کی موت کی تصدیق ڈاکٹرز کی جانب سے کی جاچکی ہے، لیکن عقیدت مند اور بھارتی عدالت اس حقیقت کو تسلیم کرنے پر آمادہ نہیں۔ سماء