گوجرانوالہ : حسن علی نے چیمپئنز ٹرافی 2017ء کے مین آف دی ٹورنامنٹ کی ٹرافی کے ساتھ تصویر سوشل میڈیا پر شیئر کردی، ان کے گھر کے باہر مداحوں کی بڑی تعداد جمع ہے۔

پاکستان ٹیم کے میڈیم پیسر حسن علی نے چیمپئنز ٹرافی 2017ء میں شاندار کارکردگی کا مظاہرہ کیا انہیں ٹورنامنٹ میں سب سے زیادہ 13 وکٹیں لینے پر گولڈن بال اور مین آف دی ٹورنامنٹ قرار دیا گیا۔

حسن علی اپنے گھر پہنچے تو مداحوں کی بڑی تعداد نے ان کا استقبال کیا، اس موقع پر حسن علی نے ٹرافی اور مداحوں کے ساتھ سیلفی لی اور سوشل میڈیا پر اپ لوڈ کردی۔ حسن علی کی تصویر کو مداحوں سے کافی پسند کیا، 1700 سے زائد افراد نے ان کی ٹویٹ کو ری ٹویٹ کیا جبکہ 10 ہزار کے قریب افراد نے تصویر کو لائیک کیا ہے۔

Thank you Pakistan #thank you gujranawala #thank you my village ladhe wala warraich pic.twitter.com/cCLLFNaB04 — Hasan Ali (@RealHa55an) June 20, 2017

انہوں نے اپنے ٹویٹ میں شکریہ پاکستان، شکریہ گوجرانوالہ، شکریہ میرے گاؤں لدھے والا وڑائچ تحریر کیا ہے۔ سماء