پاک بحریہ کے شہید اہلکاروں کی نماز جنازہ ادا

Jun 20, 2017

baf5d143-dcdc-433d-b53f-442398971717

[video width="640" height="360" mp4="https://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2016/06/Pak-Navy-Funeral-20-06.mp4"][/video]

کراچي: جیوانی میں پاک بحریہ کی گاڑی پر فائرنگ سے شہید ہونے والے نيوی اہلکاروں کی نماز جنازہ ادا کردی گئی ہے۔

ترجمان پاک بحریہ کے مطابق شہید ہونے والے خلیل مراد اور حسن رضا کی نماز جنازہ پی این ایس شفاء میں ادا کی گئی۔ نماز جنازہ میں چیف آف نیول اسٹاف نے بھی شرکت کی۔

چیف آف نیول اسٹاف نے پاک بحریہ کے اہلکاروں پر شرپسندوں کے اس حملے کی شدید مذمت کی اور غم زدہ خاندانوں سے تعزیت کی۔ نیول چیف نے اس واقعے پر گہرے دکھ اور افسوس کا اظہار کرتے ہوئے کہا کہ اس طرح کی بزدلانہ کارروائیاں دہشت گردی کے خلاف پاک بحریہ کے عزم کو متزلزل نہیں کر سکتیں۔

fc81832b-1d31-477f-8b31-0458c7db19d2

ایڈمرل ذکاءاللہ نے مزید کہا کہ وطن عزیز سے دہشت گردی کے خاتمے اور ملکی دفاع کے لیے شہداء کی یہ عظیم قربانیاں گرانقدر اور لائق تحسین ہیں۔ انہوں نے کہا کہ مٹھی بھر دہشت گر وطن عزیزکو عدم استحکام سے دوچار کرنے کے مذموم مقاصد میں کامیاب نہیں ہوسکتے۔ انہوں نے اس امر کا اعادہ کیا کہ پاک بحریہ دیگر قانون نافذ کرنے والے اداروں کے شانہ بشانہ ملک سے دہشت گردی کے ناسور کو جڑ سے اکھاڑ پھینکنے کے لیے پر عزم ہے۔

5e96c680-2e5a-482f-ab4c-5a3704bf9f67

نیول چیف نے اس موقع پر دعا کی کہ اللہ تعالیٰ شہید اہلکاروں کو اپنے جوار رحمت میں اعلیٰ مقام عطا فرمائے اور ان کے اہلِ خانہ کو یہ صدمہ برداشت کرنے کی ہمت اور توفیق عطا کرے۔ انہوں نے حملے میں زخمی ہونے والے اہلکاروں کی جلد صحت یابی کے لیے بھی دعا کی۔ انہوں نے پی این ایس شفاء میں زیر علاج زخمی اہلکاروں کی عیادت کی جب کہ شہداء اور زخمیوں کے اہل خانہ سے ملاقات بھی کی۔ سما

96ff1195-c550-448b-bcee-97964ef5c166

pak navy

ZakaUllah

PNS Shifa