وزیراعظم تھریسامے نے اپنا مینڈیٹ کھودیا

لندن : اپوزیشن لیڈر اور لیبر پارٹی کے سربراہ جیریمی کوربن کا کہنا ہے کہ ٹریزا میں کو اب چلے جانا چاہیے، ٹریزا میں اب اپنا مینڈینٹ کھو چکی ہیں۔ غیر ملکی خبر رساں ایجنسی کے مطابق مختصر میڈیا سے گفت گو اور پریس کانفرنس میں اپوزیشن لیڈر اور لیبر پارٹی کے سربراہ جیریمی کوربن کا کہنا تھا کہ ان عام انتخابات کا پیغام یہ ہے کہ ٹریزا میں اب چلی جائیں اور لیبر کے لیے راستہ ہموار کریں۔

کوربن کا کہنا تھا کہ وہ زیادہ مینڈیٹ چاہتی تھیں لیکن اس کی بجائے وہ کنزویٹو پارٹی کی سیٹیں ہاری ہیں اور اس کے ساتھ ووٹ اور اعتماد بھی نہیں ہے، میرے خیال میں یہ جانے کیلئے کافی ہے، کوربن کا مزید کہنا تھا کہ انہیں چاہیے کہ وہ ایک ایسی حکومت کے لیے راہ ہموار کریں جو کہ اس ملک کے عوام کی نمائندہ ہو۔

واضح رہے کہ اپوزیشن لیڈر اور لیبر پارٹی کے سربراہ جیریمی کوربن نے نارتھ ازلنگٹن سے اپنی سیٹ سے دوبارہ کامیابی حاصل کی ہے۔ سماء