ٹرمپ صدر منتخب ہوتے ہی ایف بی آئی ڈائریکٹر کی برطرف کا سوچ رہے تھے

واشنگٹن: وائٹ ہاﺅس کے ترجمان نے کہا ہے کہ ڈونلڈ ٹرمپ امریکی صدر منتخب ہوتے ہی ایف بی آئی کے ڈائریکٹر جیمز کومی کو برطرف کرنے کا سوچ رہے تھے۔

ترجمان سارا ہکابی سینڈرز نے میڈیا کو بتایا کہ گزشتہ برس کئی غلط اقدامات کے بعد صدر کا کومی پر اعتماد اٹھ گیا تھا۔

انتظامیہ نے کہا ہے کہ کومی کو اس لئے برطرف کیا گیا ہے کہ انہوں نے ہیلری کلنٹن کی ای میلز کے معاملہ کو ٹھیک انداز میں نہیں نبھایا۔

دوسری جانب اپوزیشن نے کہا ہے کہ کومی کو روس ٹرمپ تعلقات کی تحقیقات کرنے کی وجہ سے برطرف کیا گیا۔ سماء