غم مٹانے"لی پین" نائٹ کلب پہنچ گئیں،ڈانس کرکے انجوائے کیا

پیرس : فرانس کے صدارتی انتخاب میں شکست کا سامنا کرنے والی لی پین نے شکست کا غم ہلکا کرنے کیلئے کلب کا رخ کیا اور ہارنے پر آنسوؤں سے غم کم کرنے کے بجائے ڈانس کرکے خوب انجوائے کیا۔ فرانسیسی صدارتی انتخاب میں ہارنے والی مارین لی پین نے غم ہلکا کرنے کیلئے دنیا کو نیا ڈھنگ سکا دیا، شکست پر رونے اور غمگین ہونے کے بجائے لی پین نے کلب کا رخ کیا اور موسیقی پر ہلکا پھلکا ڈانس کرکے دن کو نہ صرف انجوائے کیا بلکہ یادگار بھی بنایا۔

کلب میں موجود افراد لی پین کو اپنے درمیان پا کر حیران اور ہکا بکا رہے گئے، مرین لا پین کی ڈانس کرتے ہوئے ویڈیو انٹر نیٹ پر وائرل ہوئی تو دنیا بھر کے سوشل میڈ یا پر تبصروں کا سلسلہ شروع ہوگیا۔ انٹر نیٹ پر وائل ہونے والی ویڈیو میں دیکھا جاسکتا ہے کہ مارین لاپین نائٹ کلب میں مسکراتے ہوئے چہرے کے ساتھ لوگوں کے ساتھ مل کر ڈانس کر ر ہی ہیں۔ یہاں یہ بات بھی قابل ذکر ہے کہ 39 سالہ ایمانوئل ماکرون نے مارین لے پین کو فرانسیسی صدارتی انتخابات میں شکست دے کر صدارت کا تاج اپنے سر پر سجایا ہے۔ ایمانوئل  لبرل سنٹرسٹ کے امیدوار تھے۔ نتائج کے مطابق انہوں نے اپنی مخالف مارین لے پین کو 35 کے مقابلے میں 65 فیصد ووٹ حاصل کرکے شکست دی۔ سماء