آپریشن صرف ایم کیو ایم کیخلاف ہے: الطاف حسین

کراچی:  ایم کیو ایم کے قائد  الطاف حسین نے کہا ہے کہ کراچی میں صرف ایم کیوایم کیخلاف آپریشن کیا جارہا ہے ۔


الطاف حسین نے لندن میں محبان پاکستان کے زیراہتمام افطار پارٹی سے خطاب کرتے ہوئے کہا کہ  ایم کیو ایم  کے پچاس سے زائد کارکنوں کو لاپتہ کردیا گیا ۔ درجنوں کارکنوں کوماورائےعدالت قتل کیا گیا ۔

الطاف حسین نے کہا کہ سپریم کورٹ نےکئی جماعتوں کے عسکری ونگ کا نام لیا لیکن  کراچی میں صرف ایم کیوایم کیخلاف آپریشن کیا جارہا ہے ۔

انہوں نے کہا کہ ایم کیوایم کو صفحہ ہستی سے ختم کی کوشش کی جارہی ہے ۔ ایم کیوایم کی تنظیمی کمیٹی کاوجود ہی نہیں ۔

متحدہ کے قائد نے کہا کہ  1947سے آج تک مہاجروں کو فرزند زمین تسلیم نہیں کیا گیا ۔ تہیہ کر رکھا ہے ہر قسم کی قربانی دیں گے ۔ غلامی قبول نہیں کریں گے ۔

 

الطاف حسین نے کہا کہ وزیراعظم نے بھارتی وزیراعظم سےملاقات میں مسئلہ کشمیر اجاگر نہیں کیا حکومت مسئلہ کشمیر سے دستبردار ہوچکی ہے۔ سماء

KARACHI OPERATION

HDP

Tabool ads will show in this div