دہشتگردی کا خطرہ،ہائی الرٹ کے باوجود تقریب کا اعلان

اسلام آباد : وفاقی وزیر داخلہ چوہدری نثار علی خان نے انٹیلی جنس اداروں کی وارننگ کو ہوا میں اڑاتے ہوئے پی او ایف واہ کینٹ میں ہونے والی تقریب میں شرکت کا اعلان کردیا۔ وفاقی وزیر داخلہ چوہدری نثار علی خان اپنے اعلان پر اڑ گئے اور خفیہ اداروں کی پیشگی وارننگ کو نظر انداز کردیا۔

خفیہ اداروں کی جانب سے جاری رپورٹ میں کہا گیا تھا کہ یوم مئی کی تقریب میں دہشت گردی ہو سکتی ہے،  وزیر داخلہ اور دیگر وزراء پی او ایف مزدور ڈے کی تقریب میں شرکت نہ کریں۔ تاہم چوہدری نثار نے خطرے کی وارننگ کے باوجود تقریب میں شرکت کا فیصلہ کیا ہے، چوہدری نثار کا کہنا ہے کہ انشااللہ آج کی تقریب پروگرام کے مطابق ہوگی، حساس ادارے کو محفوظ نہ کرنا سیکیورٹی ایجنسیوں کی کارکردگی پر سوالیہ نشان ہے۔ انہوں نے کہا کہ پی او ایف کا مزدور محفوظ نہیں تو ہمیں بھی اپنی پرواہ نہیں، یوم مئی کی تقریب میں وزیر داخلہ کے علاوہ دیگر وفاقی وزراء نے شرکت کرنی ہے۔ سماء