جماعت اسلامی کا کےالیکٹرک کیخلاف گورنر ہاوس کے باہر احتجاج

کراچی: جماعت اسلامی کا کراچی میں کےالیکٹرک کے مظالم کے خلاف احتجاج نیا رخ اختیار کر گیا ہے۔ مظاہرین نے شہر بھر کے بعد گورنر ہاؤس کے سامنے ڈیرہ جما لیا۔

تفصیلات کے مطابق کراچی میں جماعت اسلامی کی جانب سے ہفتہ کی شام سے کے الیکٹرک کے خلاف گورنر ہاوس کے باہر احتجاج شروع کیا گیا جو کہ تاحال جاری ہے۔ جماعت اسلامی کا احتجاج کے الیکٹرک کی جانب سے کی جانے والی غیر اعلانیہ لوڈ شیڈنگ، اضافی بلنگ اور دیگر معاملات کے خلاف ہے۔

جماعت اسلامی کے امیر حافظ نعیم الرحمن کہتے ہیں کہ مطالبات کی منظوری تک دھرنا جاری رکھیں گے جب کہ دھرنے میں سینیٹر سراج الحق بھی شرکت کریں گے۔

احتجاج کےلیے ایوان صدر روڈ کو ٹریفک کے لیے بند کردیا گیا جبکہ گورنر ہاؤس کی دیواروں پر بھی کے الیکٹرک کے خلاف نعرے آویزاں ہیں۔ سماء