حیدرآباد : دریا میں ڈوبنے والے تمام 6 بچوں کی لاشیں نکال لی گئیں

اسٹاف رپورٹ

حیدر آباد : حیدرآباد میں پراسرار طور پر لاپتہ ہونیوالے مزید 2 بچوں کی لاشیں دریائے سندھ سے نکال لی گئیں، گزشتہ روز 4 لاشی نکالی گئی تھیں۔

حیدرآباد میں ہنستے کھیلتے گھر سے نکلنے والے بچوں کی لاشیں واپس آئیں،

ایک ہی محلے کے 6 بچے 2 روز قبل لاپتہ ہوئے، گزشتہ روز 4 بچوں کی لاشیں دریائے سندھ سے ملیں، مزید 2 لاشیں آج نکال لی گئیں، جنہیں گھر پہنچایا تو کہرام مچ گیا۔

پولیس کے مطابق موچی پاڑہ کے 6 دوستوں کا تعلق ہندو برادری سے ہے،

جو گھر سے گھومنے نکلے، واپس نہ آئے تو انہیں ہر جگہ تلاش کیا گیا،

لواحقین کہتے ہیں گھر میں کرکٹ کھیلنے کا کہہ کر گئے تھے، المناک واقعے پر علاقے میں بھی سوگ کی کیفیت ہے۔

ذرائع کے مطابق مرنے والے لڑکوں کی عمریں 12 سے 15 سال ہیں، جن کے نام کشور، سنتوش، وشال، گوگی، سنتوش کمار اور سورج ہیں، بچوں کی آخری رسومات بھی ادا کردی گئیں۔ سماء