شعیب ملک کا ثانیہ کوشادی کی سالگرہ پرانوکھا تحفہ

لاہور / دبئی : آل راؤنڈر کرکٹر شعیب ملک نے شادی کی سالگرہ پر اہلیہ ثانیہ مرزا کو انوکھا تحفہ دے ڈالا، سوشل میڈیا پر جاری بیان میں شعیب کا کہنا تھا کہ شادی کی سالگرہ پر مین آف دی سیریز کا ایوارڈ ثانیہ کے نام کرتا ہوں۔

سماجی رابطے کی ویب سائٹ ٹوئٹر پر شعیب ملک نے شادی کی سالگرہ پر بیوی کو انوکھا تحفہ پیش کرکے حیران کردیا، اپنی ٹوئٹ میں شعیب ملک کا کہنا تھا کہ شادی کی ساتویں سالگرہ پر ثانیہ کو یادگار تحفہ دینا چاہتا ہوں۔

Happy anniversary @MirzaSania ?

My award is dedicated to you for showing me the power of dreams & here we are celebrating our 7 years MA! — Shoaib Malik (@realshoaibmalik) 12 April 2017

انہوں نے کہا کہ مین آف دی سیریز کا ایوارڈ میں اس شادی کی سالگرہ پر ثانیہ مرزا کے نام کرتا ہوں، اس میں کوئی شک نہیں کہ ثانیہ نے ہر مرحلے میں میرا بھرپور ساتھ دیا۔

واضح رہے کہ ویسٹ انڈیز کے خلاف ون ڈے سیریز میں شعیب ملک کو بہترین کارکردگی پر مین آف دی میچ اور مین آف دی سیریز کے ایوارڈز سے نوازا گیا ہے۔ سماء