مصر میں تین ماہ کیلئے ایمرجنسی نافذ کردی

قاہرہ : مصر کے گرجا گھروں پر خودکش حملوں کے بعد مصر میں ایمرجنسی نافذ کردی گئی ہے، دوسری جانب داعش نے ان حملوں کی ذمہ داری قبول کرلی۔ غیر ملکی خبر رساں ایجنسی کی جانب سے جاری رپورٹس کے مطابق مصر کے دو قطبی گرجا گھروں میں خودکش دھماکوں کے بعد مصری صدر السیسی نے تین ماہ کیلئے ایمرجنسی نافذ کرنے کا اعلان کیا ہے۔ حکومتی ترجمان کے مطابق عبدالفتاح السیسی نے اس سے قبل ملک بھر میں فوج تعینات کرنے کا حکم دیا تھا۔ اسکندریہ اور طنطا کے قطبی گرجا گھروں میں  لوگ ایسٹر سے پہلے کے اتوار کی خصوصی عبادات میں شریک تھے کہ دھماکا ہوگیا۔ ایجنسیز کی رپورٹ کے مطابق پینتالیس افراد ہلاک اور سو زائد زخمی ہوئے، داعش نے ان حملوں کی ذمہ داری قبول کی ہے۔ سماء