جیکب آباد : ریلوے ٹریک سے 3 بم برآمد، ناکارہ بناتے ہوئے ایک پھٹ گیا، 4 افراد زخمی

اسٹاف رپورٹ

جیکب آباد : جیکب آباد میں کراچی سے پشاور جانیوالی خوشحال ایکسپریس کو ایک بار پھر نشانہ بنانے کی کوشش کی گئی، برآمد ہونے والا بم ناکارہ بناتے ہوئے پھٹ گیا، جس میں 4 افراد زخمی ہوگئے۔

جیکب آباد کے راستے کراچی سے پشاور جانیوالے ریلوے ٹریک پر دہشت گردوں نے ٹھل کے قریب 3 بم نصب کئے، اطلاع ملنے پر پولیس نے بم ڈسپوزل اسکواڈ کو طلب کرلیا۔

ریلوے ٹریک سے ملنے والا بم ناکارہ بناتے ہوئے پھٹ گیا جس سے بی ڈی ایس کے 3 اہلکار اور ایک مقامی پولیس اہلکار زخمی ہوگیا۔ سماء