دہشتگردوں کاہرصورت خاتمہ کیاجائیگا،آرمی چیف کاواشگاف الفاظ میں عزم

ویب ایڈیٹر:

اسلام آباد : آرمی چیف جنرل راحیل شریف نے اس عزم کا اعادہ کرتے ہوئے کہا ہے کہ ملک سے دہشت گردی کا مکمل خاتمہ کیا جائے گا، آپریشن ملک کو دہشت گردوں سے پاک کرنے کیلئے شروع کیا گیا ہے۔

آرمی چیف جنرل راحیل شریف نے پیر کے روز اسلام آباد میں نیشنل ڈیفنس یونی ورسٹی کا دورہ کیا، اس موقع پر آرمی چیف نے کالج میں زیر تربیت افسران سے خطاب میں کہا کہ شمالی وزیرستان میں آپریشن "ضرب عضب" ملک کو دہشت گردی کی لعنت سے چھٹکارا پانے کیلئے شروع کیا گیا ہے، آپریشن دہشت گردوں کے مکمل خاتمے تک جاری رہے گا۔

پاک فوج کے شعبہ تعلقات عامہ کی جانب سے جاری بیان کے مطابق آرمی چیف جنرل راحیل شریف نے نیشنل ڈیفنس یونیورسٹی کا دورہ کیا۔ آرمی چیف نے سیکیورٹی اور وار کورس کے شرکاء سے خطاب میں کہا کہ آپریشن کا مقصد شمالی وزیرستان میں تمام دہشت گردوں اور ان کے ٹھکانوں کا خاتمہ ہے۔

آرمی چیف کا کہنا تھا کہ آپریشن کے ذریعے شدت پسندوں کا خاتمہ کریں گے، ملک سے دہشت گردی کا مکمل خاتمہ کیا جائیگا۔ آرمی چیف جنرل راحیل شریف نے ملک کی اندورنی و بیرونی سیکیورٹی خصوصا وزیرستان آپریشن پر اظہار خیال کیا۔ سماء