چھوٹی سردیاں لمبی ہوگئیں، بارشوں کی پیشگوئی

اسلام آباد: محکمہ موسمیات کی جانب سے سردیاں سکڑنے کی پیشگوئی مارچ کی برفباری میں دب گئی، چھوٹی سردیاں لمبی ہوگئیں، موسمی پنڈتوں نے پھر سے غیرمعمولی بارشوں اوربرفباری کی پیشگوئی کردی ۔

سردیاں چھوٹی نہیں لمبی ہوگئیں موسم محکمہ موسمیات کو گوگلیاں کرانے لگا،سردی نے کوچ کا ارادہ ملتوی کردیااگلے ہفتے میں سردی نئی ترنگ میں آئے گی۔

محکمہ موسمیات نے بلوچستان میں حالیہ برفباری سے متعلق ہلکی برفباری کی پیشنگوئی کی لیکن غیرمعمولی برفباری ہوئی۔ اگلے ہفتے کے دوران ملک کے شمالی اور بالائی علاقوں میں مزید برفباری اوربارش ہوگی۔ بارشوں کے اس نئے سلسلے سے درجہ حرارت ایک بار پھر نیچے آئے گا، مارچ کے مہینے میں عوام پھولوں کے ساتھ سردی گرمی دونوں موسموں کے مزے لوٹیں گئے۔

محمد حنیف، ڈائریکٹر، محکمہ موسمیات کے مطابق اس مہینے کے دوران موسم ملا جلا ہوگا، کبھی ٹھنڈ لگے گی تو جب دھوپ نکلے گی تو ایسا ہو گا کہ موسم بہار ہے تو مکس ٹرینڈ ہوگا ۔ موسم کی نبض پرکھنے والے کہہ رہے ہیں کہ کراچی والے بھی پریشان نہ ہوں بارش ہو نہ ہو ٹھنڈی ہوائیں وہاں بھی ضرور چلیں گی ۔ سماء