سابق آسٹریلوی کرکٹر لاہور آنے پر آمادہ

دبئی : سابق آسٹریلوی کھلاڑی اور اسلام آباد یونائیٹڈ کے کوچ ڈین جونز نے پاکستان آنے پر آمادگی ظاہر کردی، ذرائع کے مطابق وہ پی ایس ایل فائنل میں کمنٹری بھی کریں گے۔

آسٹریلوی کرکٹ ٹیم کے سابق کھلاڑی اور پاکستان سپر لیگ کی ٹیم اسلام آباد یونائیٹڈ کے کوچ ڈین جونز نے دبئی میں ایک پاکستانی ہوٹل میں کھانا کھاتے ہوئے اپنی ایک ویڈیو سوشل میڈیا پر شیئر کی ہے، وہ مزے مزے کے کھانے کھاتے ہوئے پی ایس ایل فائنل کیلئے لاہور آنے پر آماد ہوگئے۔

ڈین جونز کہتے ہیں کہ لاہوری کھانے اتنے مزیدار ہوتے ہیں تو وہ پی ایس ایل فائنل کیلئے پاکستان آنے کو تیار ہیں۔

واضح رہے کہ دوسرے پلے آف میچ میں اسلام آباد یونائیٹڈ، کراچی کنگز کے ہاتھوں شکست کے بعد پاکستان سپر لیگ کے فائنل کی دوڑ سے باہر ہوگئی تھی، کوئٹہ گلیڈی ایٹرز پہلے ہی ٹائٹل مقابلے کیلئے کوالیفائی کرچکا ہے جبکہ دوسری ٹیم کا فیصلہ آج کراچی کنگز کا مقابلہ پشاور زلمی کی تگڑی ٹیم سے ہوگا۔ سماء