نثارعلی خان کیخلاف ردالنثار آپریشن کا مطالبہ

اسلام آباد :  پی پی رہنما مولا بخش چانڈیو کا کہنا ہے کہ چوہدری نثار کی ناراضگی کی پرواہ نہیں، جو سچ ہے وہ بتاتا رہوں گا، چوہدری نثار کے خلاف ردالنثار آتا تو ردالفساد کے بہتر نتائج نکلتے۔

کراچی میں نجی تقریب کا مزہ مالا بخش چانڈیو نے سیاسی دنگل کے ذکر سے کرکرا کردیا، وفاقی وزیر داخلہ چوہدری نثار علی خان کی جانب مولا بخش چانڈیو کی جانب سے تابڑ توڑ حملے کیے گئے۔ مولانا بخش چانڈیوں کا کہنا تھا کہ پولیس اور رینجرز نے قربانیاں دیکر امن و امان بحال کیا، امن کی بحالی کا کریڈیٹ چوہدری نثار نہیں لے سکتے، چوہدری نثار کی ناراضگی کی پرواہ نہیں، جو سچ ہے وہ بتاتا رہوں گا، ردالنثار آتا تو ردالفساد کے بہتر نتائج نکلتے۔ مولا بخش چانڈیو نے صرف اسی پر بس نہ کیا اور بولے وفاق کو پالیساں ٹھیک کرنا ہوں گی، آپ سہون گئے لیکن درگاہ پر نہیں گئے، آپ سیون صرف پاناما کی بوریت دور کرنے آئے تھے، آپ کو درگاہ پر جا کر لوگوں سے ملنا چاہیے تھا۔ انہوں نے کہا کہ چھوٹے صوبوں کي کوئي نہيں سنتا، آپ اعلان کرتے پھرتے ہيں مگر آپ نے کچھ نہيں کيا، ن ليگ کو چھوٹے صوبے اچھے نہيں لگتے، کچھ لوگ سيہون گئے ليکن درگاہ پر نہيں گئے، جو باتيں بتانے جيسي ہيں ان باتوں سے انکار نہيں کيا، سياست ميں برداشت خاتمہ ہو چکی ہے۔ سماء