فلوریڈا : امریکا میں نسلی تعصب سر چڑھ کر بولنے لگا ہے، جہاں معروف لیجنڈ باکسر محمد علی کے بیٹے کو حراست میں لیے جانے کا انکشاف ہوا ہے۔

غیر ملکی خبر رساں ایجنسیز کی جانب سے جاری اطلاعات کے مطابق محمد علی کے بیٹے محمد علی جونئیر کو فلوریڈا کے ایئرپورٹ پر حراست میں لیے جانے کا انکشاف ہوا۔

محمد علی جونئیر اپنی والدہ خلیلا علی کے ساتھ جمیکا سے 7فروری کو امریکا واپس لوٹے تھے۔ لیجنڈ باکسر محمد علی کے بیٹے کو فلوریڈا کے ایئر پورٹ پر دو گھنٹے تک حراست میں رکھا گیا۔

ایجنیسز رپورٹ کے مطابق محمد علی جونیئر سے  ان کے مسلمان ہونے سے متعلق تعصب پر مبنی سوالات کیے گئے۔ محمد علی جونئیر نے ہوم لینڈ اور محکمہ خزانہ کے خلاف عدالت جانے پر غور شروع کردیا، محمد علی کی اہلیہ خلیلا علی بیٹے کو حراست میں لیے جانے سے لاعلم ہونے کے سبب پریشان پھرتی رہیں۔ سماء