حج کرپشن کیش، مرکزی ملزم سعودی عرب سے گرفتار

اسٹاف رپورٹ

اسلام آباد : حج کرپشن کیس کے مرکزی ملزم احمد فیض کو سعودی عرب سے گرفتار کرلیا گیا ہے۔

حج کرپشن کیس کی سماعت سپریم کورٹ میں جسٹس جواد ایس خواجہ کی سربراہی میں 3 رکنی بینچ نے کی۔ سماعت کے دوران اٹارنی جنرل نے حج کرپشن کیس کے مرکزی ملزم احمد فیض کی گرفتاری کے حوالے سے رپورٹ عدالت میں پیش کی۔ اس موقع پر اٹارنی جنرل کا کہنا تھا کہ ملزم کو سعودی عرب میں گرفتار کیا جاچکا ہے اور جلد وطن واپس لایا جائے گا۔

جسٹس جواد ایس خواجہ نے استفسار کیا کہ ملزم کو کتنے دن میں عدالت کے روبرو پیش کیا جائے گا جس پر اٹارنی جنرل کا کہنا تھا کہ اس حوالے سے وزارت داخلہ کو انتظامات کا کہہ دیا ہے۔ اٹارنی جنرل کا مزید کہنا تھا کہ حج کرپشن کیس کے مرکزی ملزم کو پکڑنے میں 4 سال لگے تاہم اب اسے 48 گھنٹے میں پیش کیا جائے۔ سماء