افواہیں سچ ہوگئیں، مومنہ نے خود اعلان کردیا

کوک اسٹوڈیو کے گانے آفرین آفرین سے مشہور ہونے والی خوبرو گلوکارہ مومنہ مستحسن یوں تو اپنی منگنی ٹوٹنے کی خبروں کو بے بنیاد قرار دیتی رہی ہیں لیکن اب انہوں نے اپنی منگنی ٹوٹنے کی خبروں کی تصدیق کردی ہے۔

کچھ دیر قبل مومنہ نے اپنے ٹوئٹر اکاونٹ پر ٹوئٹ کیا جس میں انہوں نے منگنی کے حوالے سے خود اہم خبر دی کہ ان کی منگنی ٹوٹ چکی ہے، مومنہ کا کہنا تھا کہ ہمارے خاندانوں نے باہمی رضا مندی سے یہ رشتہ ختم کردیا ہے۔

To all concerned about my engagement pic.twitter.com/HMWVksOmfh

— Momina Mustehsan (@MominaMustehsan) February 14, 2017

گلوکارہ نے بتایا کہ کوئی بھی کسی رشتے سے اس لیے منسلک نہیں ہوتا کہ اسے ختم کردیا جائے، لیکن بعض اوقات حالات آپ کی مرضی اور سوچ کے مطابق نہیں رہتے۔ یاد رہے کہ گزشتہ سال جب مومنہ مستحسن کی منگنی کی تصاویر منظر عام پر آئیں تو ان کے چاہنے والوں کے دل ٹوٹ گئے تھے اور کچھ عرصہ بعد ہی ان کی منگنی ٹوٹنے کی افواہیں گردش کرنے لگیں تھیں۔

Meet my fiancé, Ali Naqvi.We first met less than a month ago,our families really liked each other& now we're engaged pic.twitter.com/IS1QDfxf4X — Momina Mustehsan (@MominaMustehsan) September 25, 2016

مومنہ نے ان افواہوں کی سختی سے تردید کرتے ہوئے انہیں پھیلانے والی ویب سائٹس اور سوشل میڈیا کے صفحات پر شدید تنقید کی تھی۔

انہوں نے لوگوں سے اپنی ذاتی زندگی کا احترام کرنے اور اسے مذاق اور تفریح کا ذریعہ نہ بنانے کی درخواست کی تھی۔ ساتھ ہی انہوں نے کہا تھا کہ اپنے بارے میں کسی بھی قسم کی خبر کا وہ خود اعلان کریں گی تاہم وعدہ نبھاتے ہوئے مومنہ نے آج اپنی منگنی ختم ہونے کا باقاعدہ اعلان کردیا۔ سماء