کرپشن میں ملوث افراد کو تحفظ دینا حکومت کو مہنگا پڑ گیا

بڈھاپسٹ : رومانیہ میں عوام نے وزیر انصاف کا استعفیٰ مسترد کر دیا، عوام کا کہنا ہے کہ حکومت کے استعفے تک احتجاج جاری رکھیں گے، کرپشن کے خلاف دھرنا نویں دن بھی جاری رہا۔ رومانیہ میں کرپشن میں ملوث افراد کو سہولت دینے کا بل رومانیہ کی حکومت کو مہنگا پڑ گیا، ملک میں نویں روز بھی احتجاج جاری ہے، جہاں مظاہرین کا کہنا ہے کہ وزیر انصاف کا نہیں، پوری حکومت کا استعفیٰ چاہیے۔ عوامی احتجاج کے آگے ہتھیار ڈالتے ہوئے متنازع قانون کے خالق وزیر انصاف فلورن یارڈچ نے استعفیٰ تو دے دیا لیکن دارالحکومت بخارسٹ کے وکٹری اسکوائر میں حکومت مخالف مظاہرہ جاری ہیں۔ دھرنے پر بیٹھے مظاہرین کا کہنا ہے کہ حکومت کے استعفیٰ تک احتجاج جاری رکھیں گے، وزیر انصاف کی تیار کردہ قانون میں پچاس لاکھ لیو تک مالی بدعنوانی کو جرم کے زمرے سے نکال دیا گیا تھا۔ سماء