[video width="640" height="360" mp4="https://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2016/02/Kohat-murder.mp4"][/video] کوہاٹ : کوہاٹ میں شادی نہ کرنے پر نوجوان نے کزن کو موت کے گھاٹ اُتار دیا، مقتولہ حنا غیرسرکاری ادارے میں ملازمت کرتی تھیں، پولیس کے مطابق ملزم اور اس کے اہل خانہ کی نظر کزن کی جائیداد پر تھی، پولیس نے ملزم کے بھائی اور والد کو گرفتار کرلیا۔ اس کو عشق کہیں یا پاگل پن کہ نوجوان سے شادی پر انکار برداشت نہ ہوا اور لڑکی کو قتل کردیا، واقعہ کوہاٹ میں پیش آیا، جہاں شادی نہ کرنے پر نوجوان نے کزن کو موت کے گھاٹ اُتار دیا۔ ملزم حنا کی ملازمت چھڑوا کر شادی کرنا چاہتا تھا۔ مقتولہ حنا غیرسرکاری ادارے میں ملازمت کرتی تھیں، ملزم لڑکی کو پسند کرتا تھا، تاہم لڑکی شادی پر راضی نہ تھی، جس پر لڑکے والوں کو منع کردیا گیا، تاہم ملزم یہ انکار برداشت نہ کرسکا اور قتل کو گولی مار کر قتل کردیا۔ ذرائع کا کہنا ہے کہ لڑکی کی جانب سے جائیداد میں حصہ نہ دینے کے باعث قتل کیا گیا۔  

حنا شاہنواز اپنے گھر کی واحد کفیل تھی، جو اپنے گھر کے علاوہ بھائی اور بہن کا گھر بھی چلا رہی تھی، واقعہ کے بعد لڑکا فرار ہوگیا، جس کی تلاش جاری ہے، پولیس نے ملزم کے بھائی اور والد کو گرفتار کرلیا ہے۔ سماء