کراچی :  ڈی جی رینجرز کا کہنا ہے کہ کراچي آپريشن کے مثبت نتائج سامنے آرہے ہيں، ٹارگٹ کلنگ ميں 92 فيصد کمي آئي، انہوں نے شہریوں سے اپیل کرتے ہوئے کہا کہ کراچی میں منفی سرگرمیوں کے خاتمے کے لیے شہری تعاون کریں۔ ترجمان رینجرز کی جانب سے جاری اعلامیہ کے مطابق منگل کے روز ڈی جی رینجرز میجر جنرل محمد سعید نے جامعہ کراچی کا دورہ کیا۔ ڈی جی رینجرز کی آمد پر جامعہ کراچی کا آڈیٹوریم طلبہ سے بھرگیا۔ جامعہ کراچی آمد پر ڈي جي رينجرز نے کراچي آپريش پر بات چيت کی، اس موقع پر ڈی جی رینجرز کا کہنا تھا کہ کراچي آپريشن کے مثبت نتائج سامنے آرہے ہيں، گزشتہ تين سال بھتہ خوري ميں 93 فيصد کمي آئي۔ اس موقع پر انہوں نے شہریوں سے اپیل کرتے ہوئے کہا کہ کراچی میں منفی سرگرمیوں کے خاتمے کے لیے شہری تعاون کریں،کسی بھی مشکوک شخص اور اشیاء کی خبر فوراً قانون نافذ کرنے والے اداروں کو دیں۔ ان کا کہنا تھا کہ باہمی تعاون سے کراچی آپریشن جاری رکھے ہوئے ہیں، کراچی کا امن بحال ہوا ہے اور معیشت مضبوط ہو رہی ہے، طلبا ملک کا مستقبل ہیں، تمام تعلیمی اداروں کی سیکیورٹی بہتر بنائی جائے گی۔ سماء