وائٹ ہاؤس میں ٹشوپیپر،ٹوتھ پیسٹ،جوسز بھی خود خریدتےتھے

کیلی فورنیا: سابق آمریکی صدر براک اوباما کا کہنا ہے کہ امریکی صدر بننا اتنا آسان نہیں تھا، لوگوں کیلئے یہ عہدہ دولت کے ترازو میں تولا جاتا ہے، مگر میں آپ کو بتانا چاہتا ہوں کہ وائٹ ہاؤس میں گزرے آٹھ سالوں میں کبھی بھی سرکاری پیسے سے کوئی چیز نہیں خریدی،  ٹشوپیپرزمفت نہیں ملتے تھے بلکہ خریدنا پڑتے تھے، ٹوتھ پیسٹ اوراورنج جوس بھی مفت نہیں ملتا۔ غیر ملکی خبر رساں ادارے کو دیئے گئے اپنے انٹرویو میں سابق امریکی صدر براک حسین اوباما کا کہنا تھا کہ وائٹ ہاؤس میں ٹشوپیپرزمفت نہیں ملتے تھے بلکہ خریدنا پڑتے تھے، ٹوتھ پیسٹ اوراورنج جوس بھی مفت نہیں ملتا، ہر مہینے کے آخر میں گھر کا خرچ دینا پڑتا ہے، یہاں تک کہ چھٹیاں گزرنے کیلئے بھی کہی جانا ہوتا تو بھی اپنے ہی خرچ پر جاتے۔   وائٹ ہاؤس میں گزرے آٹھ سالہ دور پر محیط اپنی یادوں اور پرانے وقتوں کو دہراتے ہوئے براک اوباما نے مزید انکشافات کیے اور کہا کہ وائٹ ہاؤس میں وہ اپنی اور اپنے گھروالوں کی ذاتی استعمال کی اشیاء اپنے پیسوں سے خریدتے تھے۔   ایک سوال کے جواب میں کہ آپ نے آخری مرتبہ کب اپنی جیب سے خرچ کیا ؟ تو اس پر سابق صدر نے جواب دیتے ہوئے بتایا کہ ایک چیز جو مجھے بے چین رکھتی تھی، وہ یہ کہ لوگ کیا کہتے ہونگے کہ جب ہم چھٹیوں پر ہوتے ہیں، لوگ کہتے ہونگے کہ ہم عوام کے ٹیکس پر مزے اڑا رہے ہیں لیکن ایسا نہیں ،میں اس متعلق تمام اخراجات خود برداشت کرتا تھا۔     اپنے انٹرویو میں اوباما کا مزید کہنا تھا کہ  صرف ایک چیز جس کیلئے میں خرچ نہیں کرتا تھا وہ سیکریٹ سروس کا جہاز اور رابطے کیلئے استعمال ہونے والے آلات تھے، کیونکہ میرا ان پر کوئی اختیار نہیں تھا، ہر مہینے کے آخر میں مجھے سودا سلف کا بل ادا کرنا ہوتا تھا، اس موقع پر مشیل کی طرف دیکھتے ہوئے انہوں نے ہنستے ہوئے کہا کہ یہ بھی سچ ہے کہ میرا والٹ اکثر میرے ساتھ نہیں ہوتا تھا۔ صدارت سے سبکدوش ہونے کے بعد زندگی گزارنے سے متعلق پوچھے گئے سوال پر براک حسین کا کہنا تھا کہ وہ اپنی اہلیہ مشیل کے ساتھ کچھ وقت گزاریں گے، ان کو کچھ کام ایسے کرنے ہیں جو وہ مصروفیات کے باعث نہ کرسکے۔ سماء