سوپ، انڈے،کشمیری چائے،مچھلی۔۔ سردیوں کی سوغات

اسلام آباد : سرد موسم کے آتے ہی ملک بھر میں سوپ ، انڈوں، کشمیری چائے ،مچھلی اور خشک میوہ جات کی فروخت میں اضافہ ہوگیا۔ جڑواں شہروں راولپنڈی اسلام آباد کے علاوہ ملک بھر میں موسم سرد ہونے کے ساتھ ہی سوپ ، انڈوں، کشمیری چائے ،چکن اور خشک میوہ جات کی فروخت میں اضافہ ہو گیا ہے۔ اسلام آباد کی کئی مارکیٹوں میں سردیوں کے سامان کے مختلف اسٹالز لگائے گئے ہیں اور موسم سرد ہونے کی وجہ سے انہیں اچھا منافع ہو رہا ہے۔ پشاور موڑ کے رہائشی کے مطابق موسم سرد ہونے کی وجہ سے سوپ اور انڈوں، گاجر کا حلوہ کی ڈیمانڈ میں اضافہ ہو اہے اور لوگ خصوصاً شام کے بعد سوپ شوق سے پیتے ہیں۔

انہوں نے کہا کہ سوپ کے استعمال سے زکام بھی دور ہو جاتا ہے اور جسم بھی گرم رہتا ہے، اسلام آباد کے رہائشی ندیم اختر نے بتایاکہ موسم سرد ہونے کی وجہ سے مچھلی کی مانگ میں بھی اضافہ ہواہے اور اسلام آباد راولپنڈی میں مچھلی کے جگہ جگہ اسٹالز بھی لگائے گئے ہیں اور تمام دنوں کی نسبت سردیوں میں مچھلی کی 25فیصد زیادہ خریداری ہوتی ہے۔ اسی طرح میلوڈی میں رہائشی کا کہنا ہے کہ کشمیری چائے پینے سے جم گرم ہو جاتا ہے اور چائے جسم کو گرم کرنے کے لئے مفید ہے، جس کی وجہ سے اسلام آباد میں مختلف مارکیٹوں میں کشمیری چائے کی مانگ میں بھی اضافہ ہوتا ہے۔ سماء