اسٹیل ملز سمیت5اداروں کی نج کاری کا فیصلہ،دستاویز تیار کرلیں

اسلام آباد : حکومت نے قومی اثاثوں سے جان چھڑانے کی تیاریاں کرلی، رواں سال، پانچ سرکاری اداروں کی نجکاری کی جائے گی۔ ایس ایم ای بینک اور صنعتی ترقیاتی بینک کے علاوہ سفید ہاتھی پاکستان اسٹیل ملز بھی فہرست میں شامل ہے۔

سال نو میں کن اہم سرکاری اداروں کی نجکاری ہوگی، حکومت نے اداروں کی فہرست تیار کرلی، نجکاری کمیشن کے مطابق ایس ایم ای بینک اور ماڑی پیٹرولیم کمپنی لمیٹیڈ کی نجکاری مارچ میں کی جائے گی، ایس ایم ای بینک کیلئے ٹرانزیکشن اسٹرکچر کو حتمی شکل دی جا رہی ہے۔ قومی خزانے کو ماہانہ 60 کروڑ روپے سے زیادہ کا ٹیکا لگانے والے ادارے پاکستان اسٹیل ملز کو جون میں نجکاری کیلئے پیش کیا جائے گا ۔ نجکاری کے حوالے سے کوٹ ادو پاور کمپنی کا نمبر جون میں آئے گا جبکہ صنعتی ترقیاتی بینک کی نجکاری کیلئے اظہار دلچسپی کی درخواستیں رواں ماہ طلب کی جائیں گی۔ آئی ایم ایف کے تحفطات کے باوجود بجلی کی تقسیم کار کمپنیوں کی نجکاری کا عمل شروع نہیں ہو سکا، ٹیلی فون انڈسٹریز آف پاکستان اور پی آئی اے کی نجکاری بھی غیر یقینی ہے۔ سماء