علاج نہ ہوا،موت مل گئی،مریضہ نے فرش پر دم توڑ دیا

لاہور : لاہور کے جناح اسپتال میں مریضہ کو علاج کیلئے ڈاکٹر تو نہ مل سکا، تاہم لاچار بے بس مریضہ نے اسپتال کے فرش پر دم توڑ دیا۔ گڈگورننس کی دعویدار حکومت مریضوں کو علاج معالجے کی سہولتیں دینے میں ناکام ہوگئی، جناح اسپتال میں دل کی مریضہ کو بستر تک نہ مل سکا۔ قصور سے تعلق رکھنے والی شریفہ بی بی رات بھر ایمرجنسی گیٹ پر تڑپتی رہی اور دم توڑ گئی۔ سماء کے مطابق مريضہ کو ايمرجنسي گيٹ پر ڈرپ لگائي گئي تھی، مریضہ کا پي آئي سي اور سروسز اسپتال میں بھی علاج نہ کیا گیا۔ بے بس خاتون کو بيڈ ملا نہ مناسب علاج معالجہ ہوا، ٹھنڈے فرش پر لیٹی خاتون تھوڑی دیر بعد ہی چل بسي۔ دل کے عارضہ ميں مبتلا قصور  سے تعلق رکھنے والی خاتون کی عمر 60 سال تھی، جنہیں رات تين بجے جناح اسپتال لايا گيا۔ شعبہ صحت پراربوں روپے خرچ کرنے اور دو وزير لگانے کے باوجود پنجاب کے سرکاري اسپتالوں کي حالت زاربہترنہ ہوسکي اور مريضوں کو علاج معالجے کيلئے شديد مشکلات کا سامنا ہے۔ متاثرہ خاتون کے اہل خانہ نے حکومت سے انصاف کی اپیل کی ہے۔ واقعہ کے فوراً بعد خادم اعلیٰ نے اسپتال انتظامیہ کی جانب سے غفلت برتنے پر نوٹس لے لیا۔ سماء